Isa 38 | Ndebele | STEP | Ngalezonsuku uHezekhiya wagula waphos'ukufa . UIsaya indodana kaAmozi umprofethi wasefika kuye, wathi kuye: Itsho njalo iN kosi : Layezela indlu yakho, ngoba uzakufa, kawuyikuphila.

Isaiah 38

Ukugula kukaHezekhiya

1 Ngalezonsuku uHezekhiya wagula waphos'ukufa ^a. UIsaya indodana kaAmozi umprofethi ^b wasefika kuye, wathi kuye: Itsho njalo iNkosi: Layezela indlu yakho, ngoba uzakufa, kawuyikuphila. 2 UHezekhiya wasephendulela ubuso bakhe ngasemdulini, wakhuleka eNkosini, 3 wathi: Ngiyakuncenga, Nkosi, ake ukhumbule ukuthi ngihambe phambi kwakho ngobuqotho langenhliziyo epheleleyo, ngenza okulungileyo emehlweni akho. UHezekhiya wasekhala inyembezi ngokukhala okukhulu.

4 Kwasekufika ilizwi leNkosi kuIsaya, lisithi: 5 Hamba, uthi kuHezekhiya: Itsho njalo iNkosi uNkulunkulu kaDavida uyihlo: Ngiwuzwile umkhuleko wakho, ngibonile inyembezi zakho; khangela, ngizakwengezelela iminyaka elitshumi lanhlanu ensukwini zakho, 6 ngikukhulule wena lalumuzi esandleni senkosi yeAsiriya, ngiwuvikele lumuzi ^c. 7 Lalesi yisibonakaliso kuwe esivela eNkosini, esokuthi iNkosi izayenza le into eyikhulumileyo. 8 Khangela, ngizabuyisela emuva isithunzi sezinyathelo ^d esesehlile ezinyathelweni zelanga zikaAhazi, izinyathelo ezilitshumi emuva. Ilanga laselibuyela emuva izinyathelo ezilitshumi, ngezinyathelo elalehle ngazo.

9 Umbhalo kaHezekhiya inkosi yakoJuda lapho egula, esesile emkhuhlaneni wakhe.

10 Mina ngathi: Ekuqunyweni kwezinsuku zami ^e ngizakuya emasangweni engcwaba ^f; ngemukiwe insali yeminyaka yami. 11 Ngathi: Kangiyikubona uJehova ^g, uJehova ^h elizweni labaphilayo ⁱ; kangisayikubona muntu labahlali bomhlaba. 12 Isizukulwana sami sesisukile, sasuswa kimi njengethente lomelusi ^j; ngiqume impilo yami njengomeluki ^k; uzangiquma ^l njengomkhuhlane ocikizayo ^{▼▼ njengomkhuhlane ocikizayo: Heb eselukweni.}; kusukela emini kuze kube sebusuku uzangiqeda ⁿ. 13 Ngabalisa kwaze kwaba sekuseni ^o; njengesilwane ^p, ngokunjalo uzakwephula amathambo ami wonke; kusukela emini kuze kube sebusuku uzangiqeda ^q. 14 Njengenkonjane ^r kumbe ihemu ^s, ngokunjalo ngatshiyoza ^t; ngilila njengejuba ^{u
,} ^v; amehlo ami afiphala ngokukhangela phezulu ^w. Nkosi, ngicindezelwe; woba yisibambiso sami ^x. 15 Ngingathini? Ikhulumile kimi, yona uqobo ikwenzile. Ngizahamba kabuthakathaka ^y yonke iminyaka yami ebuhlungwini bomphefumulo wami ^z. 16 Nkosi, ngalezizinto bayaphila ^aa, lakuzo zonke lezizinto kulempilo yomoya wami. Njalo uzangelapha, ungiphilise ^ab. 17 Khangela, kulokuthula ngibe lobuhlungu obukhulu, kodwa wena uwuthandile umphefumulo wami wawukhulula egodini lencithakalo, ngoba uphosele ngemva komhlana wakho zonke izono zami ^{ac
,} ^ad. 18 Ngoba ingcwaba lingekubonge ^ae; ukufa kungekudumise; labo abehlela emgodini ^af bangelithembele iqiniso lakho. 19 Ophilayo, ophilayo, yena uzakudumisa, njengami lamuhla; uyise uzakwazisa abantwana iqiniso lakho ^ag. 20 INkosi yayilungele ukungisindisa; ngakho sizahlabelela izingoma zami ngamachacho ^ah insuku zonke zempilo yethu endlini yeNkosi.

21 Ngoba uIsaya ^ai wayethe: Kabathathe isigaqa somkhiwa, basifake njengomnameko phezu kwethumba, njalo uzasila. 22 UHezekhiya ^aj laye wayethe: Siyini isibonakaliso sokuthi ngizakwenyukela endlini yeNkosi ^ak?